Daar's ‘n plek
Waar ek vir soveel jare geleef het
Soveel jare gesweet het dat ek die helfte al eintlik vergeet het
Waar net Augustus se winde waai
Oktober pers word en die hane kraai
'n Plek wat sonder dat jy agter kom in jou hart in waai

O en daar’s 'n plek
Waar die bloed veel blouer
As die see is

Waar die lieflinge speel en die fans met blou horings gegear is
Waar studente met grand karre ry
Maar die beste skool was om met jou te vry
By Magnolia Dal op die gras sal jy dalk nog my hart kan kry

En as ek in Oktober maand net stadig verby die jakarandas ry
En ek dalk net iewers naby aan die Brooklyn Mall kan bly
En ek jou oë se aandag op die gras by Magnolia Dal kan kry
Dan is ek bly, dan is ek bly, dan is ek bly
Dat ons twee hier bly
Dis dan wanneer ek
Pretoria blues kry

Daar’s 'n plek waar die naaste branders
By Sun City is
Waar Tafelberg op 'n boekie
By Flight Centre is

Waar ek breakfast saam met jou belangrik is
En die Brooklyn Mall my tuiste is
'n Plek waar restuarante se kombuise al van tien uur af toe is

En daar’s 'n plek waar elke mens beslis
Homself kan wees
Ek Afrikaans gesels met die man wat Pretoria News lees

Waar die winkels daagliks meer word
En Sunnyside al hoe vreemder word
'n Plek wat sonder dat jy agter kom, jy van deel word

En as ek in Oktober maand net stadig verby die jakarandas ry
En ek dalk net iewers naby aan die Brooklyn Mall kan bly
En ek jou oë se aandag op die gras by Magnolia Dal kan kry
Dan is ek bly, dan is ek bly, dan is ek bly
Dat ons twee hier bly

Dis dan wanneer ek
Pretoria blues kry
Dis dan wanneer ek
Pretoria blues
Kry