Vir jou wil ek 'n huis hê
'n Huis met 'n leiklipvloer
'n Witgekalkte skoorsteen
Wat deur die rietdak loer
'n Okkerneuthout-onderdeur
Wat kreun aan die skarnier
'n Donskombers om in te beur
'n Kaggel en 'n vuur

Die dae is droef soos druiwe
Jou naam is soet soos mos
Die herfs is in die wingerd
Die son in elke tros
Want die winters hier is wondbaar as die jaar se hitte kwyn
Die seisoen word oud en waardig
Wat mos was word nou wyn

Vir jou wil ek 'n bos hê
Waar jy dennenaalde ruik
Reën wat oor die berg kom en timmer teen die luik
En by die hek 'n bloekom met sy takke in die wind
Hier in die koper-ledekant jou warm bruinoog kind

Want die dae is droef soos druiwe
Jou naam is soet soos mos
Die herfs is in die wingerd
En die son in elke tros
Want die winters hier is wondbaar as die jaar se hitte kwyn
Die seisoen word oud en waardig
Wat mos was word nou wyn

Al maak ek hierdie versie eenvoudig, lief, soos nou
Die wens bly tog maar net 'n wens, die werklikheid verbrou
Die wens bly tog maar net 'n wens, die werklikheid verbrou

Want die dae is droef soos druiwe
Jou naam is soet soos mos
Die herfs is in die wingerd
En die son in elke tros
Want die winters hier is wondbaar as die jaar se hitte kwyn
Die seisoen word oud en waardig
Wat mos was word nou wyn