En as die jaargety kom draai
En die reënwind oor my randjies waai
Laat die warrelwind ‘n laaste keer
Sy nukke oor my lyf probeer

En roer die reën die droë loop
Dan breek my hart se kleure oop
En knoop ek gou my blommejas
Van Kamieskroon tot Kommagas

Namakwaland se veld hou nuwejaar
Kom kyk hoe hotnotsriel ‘n vygie daar
‘n Blyplek, vryplek, Nababiep my ghantang
Kom proe hoe soet ‘n ghoukom hier kan smaak
Hier kan smaak

Namakwaland se veld hou nuwejaar
Kom kyk hoe hotnotsriel ‘n vygie daar
‘n Blyplek, vryplek, Nababiep my ghantang
Kom proe hoe soet ‘n ghoukom hier kan smaak
Hier kan smaak

En ek sprei my kelkiewynkaros
Waar die horison die more los
En iewers staan ‘n kokerboom
Kniediep in die geel en droom
En die wind maak soms ‘n ry patroon
Van ‘n botterblom se goue kroon
En êrens oor my wye rug
My marabou, my vleipatrys

Namakwaland se veld hou nuwejaar
Kom kyk hoe hotnotsriel ‘n vygie daar
‘n Blyplek, vryplek, Nababiep my ghantang
Kom proe hoe soet ‘n ghoukom hier kan smaak
Hier kan smaak