In die skadu van die sekelmaan
Staan ons klein in die Groot Karoo
Waar die Suiderkruis ons weer kom wys
Daar is meer om in te glo

Dit was hier waar ons mekaar sou vind
Daar in die stof toe die druppels val
Ek was vas oortuig, my knieë sou hou
Ek dog ek staan nog, toe lê ek al

Dans, dans, dans op die ritme van die reën
My voete ken die trap as die vlaktes begin dreun
Jy, jy, jy het sowaar my hart kom steel
In die Groot Karoo sommer so

Saam met jou wil ek tot laataand lag
En een vir een al die sterre tel
Tot die dag weer breek op die horison
Om ons storie nog verder te vertel

Dans, dans, dans op die ritme van die reën
My voete ken die trap as die vlaktes begin dreun
Jy, jy, jy het sowaar my hart kom steel
In die Groot Karoo sommer so

Dis hier waar al ons vrees verdwyn
En ons weer onsself kan vind
Waar ons saam die toekoms in kan dans
Met die lag en vryheid van 'n kind

Dans, dans, dans op die ritme van die reën
Ons voete ken die trap as die vlaktes begin dreun
Jy, jy, jy het sowaar my hart kom steel
In die Groot Karoo

Dans, dans, dans op die ritme van die reën
Ons voete ken die trap as die vlaktes begin dreun
Jy, jy, jy het sowaar my hart kom steel
In die Groot Karoo
In die Groot Karoo
In die Groot Karoo sommer so
Sommer so