Warambaniye nshuti yanjye,
Wambereye imfura nziza,
Uw’igikundiro mico myiza,
Ibikuranga ni uburanga.
Imyaka yose twarabanye,
Indoro yawe ni ya yindi,
Isura yawe iransusurutsa,
Inseko yawe ihora ikeye.
Inyikirizo: Yego shenge karahanyuze,
Twabaye ipata n’urugi,
Izibana zayakomanya,
Ibibazo byose tukabicoca,
Maze urukundo rukabitsinda,
Nuko imyaka igatambuka.
Abana bacu twarabareze,
Bose bose bakura neza,
Urwo rugamba turarurwana,
Dore ibyo byose ni amateka.
Twakunze kuganira,
Ari urwenya tukarutera,
Mu byishimo tukishima,
Mu byago tukababarana.
Inyikirizo: Yego shenge karahanyuze,
Hari abo twabonye batana,
Abandi twabonye barwana,
Benshi twumvise basenya,
Bakirenza indahiro yabo.
Amasezerano bakayasesa,
Bagata urwabo bagata abana,
Bapfa imitungo n’amafaranga,
Ariko twebwe twaragumanye.
Inyikirizo: Yego shenge karahanyuze,