Utegereze uwawe azaza,
Nturambirwe uwawe araho,
Komeza urangwe n’icyizere,
Ntukavume iritararenga.
Wiyubahe kandi utuze,
Witonde ntuhubuke,
Buri kintu n’igihe cyacyo,
Ibyiza byinshi biri imbere.
Inyikirizo Hariho umunsi uzaguhira,
Uwo munsi uwawe azaza,
Azakwambika iy’urukundo,
Muzibanira ibihe byose.
Ibiri imbere ntubizi,
Naho igihe gihatse byinshi,
Buri munsi ugira ibyawo,
Urabizi haguma ubuzima.
Ube umwari ugira amakenga,
Wirinde ibihita byose,
Abakubeshya ko bagushaka,
Agakungu sirwo rukundo!
Inyikirizo: Hariho umunsi uzaguhira . . .
Jya wirinda ibirangaza,
Wishimire ubuto bwawe,
Uhore iteka wanga umugayo,
Uhorane akanyamuneza.
Wambare maze uberwe,
Ntiwigunge ntiwimyoze,
Wirinde uko ugenda,
Mwari mwiza ntaho umwaye.
Inyikirizo: Hariho umunsi uzaguhira . . .