Ingoyi zawe ziraboha,
Urubori rwawe ntirukira,
Abaje iwawe mu kizima,
Ubuzima bwabo burazima,
Imigambi yabo irazimira,
Ubumenyi bize bukabura.
Uwo watumiye niwe uza,
Intumwa zawe ntiziteba,
Mu isi yose zirahari,
Iyo mu mihanda nizo gusa,
No mu kirere zirahari,
No mu nyanja zigerayo.
Inyikirizo: Hazaza umunsi w’ibirori,
Abo wajyanye bazagaruka,
Abo wafunze bazasohoka,
Ingoyi zawe zibe ubusa,
Gereza yawe ibemo ubusa,
Tuzishimire kubaho.
Naho muganga arahatana,
Ariko ukanga ukamunyaga,
Akanwa kawe kakamira,
Amenyo yawe akaguguna,
Guhaga kwawe ntibibaho,
Ni wowe mwanzi bavuze.
Ku manywa y’ihangu urashorera,
Incuti yawe ni ijoro,
Gereza yawe irakomeye,
Abarinzi bayo ntibahuga,
Ushyiramo abantu ukadadira,
Ibitotsi byabo ntibishira.
Inyikirizo: Hazaza umunsi w’ibirori,
Abanyamahane urabahitana,
Abanyamahoro urabahorahoza,
Ari intwari ari ibigwari,
Ari abahanga n’ abahanzi,
Ba Nyakubahwa na Rubanda,
Umwuka wabo ukabavamo.
Oh oh oh oh, Oh oh oh oh, Oh oh oh oh, Oh oh oh oh