Here Jesus
Vanaand wil ek nie bid nie
Kan ek nie maar net stil
Hier op U skoot kom sit nie?

Sal U dan in die stilte met my praat?
En my saggies vas druk teen U bors?
Kom skink vir my in hierdie uur
U water vir my gees se dors

Here Jesus
Vanaand wil ek niks vra nie
Geen oorlogslied of las
Geen pyn wat U moet dra nie

Sal U tog in die stilte aan my raak?
My veilig toevou in U hand?
Kom bind my tog in hierdie uur
Aan U vas met 'n diepe liefdesband

Here Jesus
Ek wil U nie ophou prys nie
Sal ek nie dankbaar sing
Oor die guns wat U bewys nie

Sal U dis, nou my liedjie hoor
Want ek het iets wat ek vir U wil sê
Om by U te wees in hierdie uur
Is al wat ek ooit sal wil hê

Here Jesus
Vanaand wil ek nie bid nie
Wil U nie ook net hier in my hart
En U Gees by my kom sit nie?