FANATITRA

Raha niantso izy hatrizay
Nandositra sy niafina aho
Ireo rantsam-pahazavany
Nosoloiko aizina indray

Tsy kivy ary tsy nandao
Ilay Nahary izao rehetra izao
Fa izaho no jamban’ilay
Adalana nisintona ahy

Fa ireo teny izay mahasoa
Nozarainy nomeny avokoa
Fa izaho no mazan-doha
Miseho mahafantatra

*** Refrain ***
Fa ireo rojovin’ny satana
Namatotra ahy ao an-tranomaizina
Tototry ny olan’ny tany aho
Ka nijaly nahatsiaro resy, very aho

Nifona aho, nitalaho mba
Hiverina ao an-tranony indray
Amin'ny fo feno fitiavana
No nandraisany ahy, ka faly aho, faly aho

Atolotro eo anatrehany
Omeko ao an-dapany
Ireo hirahira ho zaraiko mba
Ho « Fanatitra vaovao »

Auteur / Compositeur: Lita