Waar die gryse Hantamberge in die skemer staan
Waar die aandblom sluimer teen die hang
Na die mooi ou Hantamberge sal ek weer moet gaan
Na die liefde waarna ek verlang

Elke koel somersaand stap ons twee hand aan hand
In die dae van ons liefde lank verby
Ek sien weer die gryse berge en my hart verlang
Na die Hantamberge moet ek gaan

As die son se laaste strale in die weste kwyn
Word my hart gevul met hunkering
Dan verlang ek telkemale na ons samesyn
Wat die liefde eens vir ons kon bring

Daar's 'n sekelmaan vanaand
'n Polfyntjie in my hand
En ek dink weer aan my Hantam heimweë land
Ek sien weer die gryse berge en my hart verlang
Na die Hantamberge moet ek gaan

Na die Hantamberge moet ek gaan
Na die Hantamberge moet ek gaan