Vanaand het ek gesien
Hoe my vriend se oë traan
Soos reën om die snare
Se geroep na die liefde
Wat geloop het
So onder deur die maan

Vanaand het ek verstaan
En vir my vriend aanhou sing
Uit die boek van die blues
Wat klop in my bors en klokslag liefde
En warmwater bring

As die bitter branders uit my vingers sypel
En my woorde wapper soos wit verslete seile
Sien ek jou soms deur die stoom van die dans
En skreeu jou naam oor 'n koue oseaan
En skreeu jou naam oor 'n koue oseaan

Vanaand het ek onthou
Hoe my vriend kon lag en dans
Met die vrou van sy drome
Wat tango met gewone ouens soos hy
Soos hy

As die bitter branders uit my vingers sypel
En my woorde wapper soos wit verslete seile
Sien ek jou soms deur die stoom van die dans
En skreeu jou naam oor 'n koue oseaan
En skreeu jou naam oor 'n koue oseaan

As die bitter branders uit my vingers sypel
En my woorde wapper soos wit verslete seile
Sien ek jou soms deur die stoom van die dans
En skreeu jou naam oor 'n koue oseaan
En skreeu jou naam oor 'n koue oseaan

En skreeu jou naam oor 'n koue oseaan
Ek skreeu jou naam oor 'n koue oseaan