Op Die Pad Na Nooitgedacht is a song in Afrikaans
Op 'n donker aand diep in Julie maand
Op die pad na Nooitgedacht
Waar drie rotse staan teen die sekelmaan
Het ek lank gewag die nag
Het ek lank gewag die nag
Want 'n skurk van ouds het 'n sak vol goud
Daar begrawe langs die pad
En elke donker aand met die sekelmaan
Kom hy terug en soek sy skat
Kom hy terug en soek sy skat
En in die verte hoor ek vier hoewe
Soos 'n hartpols diep in die nag
Dis of die duiwel hom jaag want die maan sit al laag
Op die pad na Nooitgedacht
Dis of die duiwel hom jaag want die maan sit al laag
Op die pad na Nooitgedacht
By die spook klippe naby Nooitgedacht
So het die mense my vertel
Kan gin man dit waag op 'n donker nag
Hy begeef hom in die hel
Hy begeef hom in die hel
Maar ek het vasgestaan en gesê ek gaan
Man alleen een donker nag
Ek het myself gestaal en my perd laat haal
Maar ek het so iets nooit verwag
Ek het so iets nooit verwag
Want die vuurvonke spat uit sy hoewe
En tien vlamtonge speel in die nag
En die ruiter lê plat want sy perd ken die pad
Na die skat van Nooitgedacht
En die ruiter lê plat want sy perd ken die pad
Na die skat van Nooitgedacht
Ek het te veel gesien en ek dog miskien
Is die beste plek die huis
Want ek ken gevaar, maar ek trap onklaar
En ek wens ek was al tuis
Ek wens ek was al tuis
Maar die huis is ver en die Môrester
Hang spookagtig oor die veld
Dis geen plek vir my ek wil liewer ry
Gee die kêrel maar sy geld
Gee die kêrel maar sy geld
Maar die hoefslae dreun in my ore
En 'n skim skiet stil uit sy saal
En die vuurvonke spat soos hy grou langs die pad
Want hy kom om sy skatte te haal
Maar die burgers gun hom geen rus nie
Soos 'n veldbrand kom hulle aan
En die Mauservuur dreun en die looddruppels reën
En ek dog die einde breek aan
Maar twee kole gloei in sy oë
Met een haal is hy weer in die saal
En sy perd ploeg die lug in sy ylingse vlug
Want hy weet die dood kom hom haal
En sy perd ploeg die lug in sy ylingse vlug
Want hy weet die dood kom hom haal
Want hy weet die dood kom hom haal
Op 'n donker aand diep in Julie maand
Op die pad na Nooitgedacht
Waar drie rotse staan teen die sekelmaan
Het ek lank bly lê die nag
Het ek lank bly lê die nag
En ek weet geen een sal my glo nie
Dit klink alles so gek in die dag
Maar wees elkeen wat lag eenmaal daar in die nag
Op die pad na Nooitgedacht
Wees elkeen wat lag
Eenmaal daar in die nag
Op die pad na Nooitgedacht