Die liedjie wat ek sing het geen groot gevleulde woorde nie
Ek sing maar sommer so in eenvoudige taal
Die wysie wat ek speel het geen moeilike slim akkoorde nie
Die note net gewoon so in die middel van die skaal

Ek wil diep uit my binneste in eenvoud verklaar
Jy lê knus hier in my hart en jy bly altyd daar
Ek wil diep uit my hart uit in eenvoud kom sê
Dat ek jou regtig liefhet en jou altyd lief sal hê

Wat ek met jou wil deel is nie maklik vir 'n sanger nie
Sonder note, sonder ritme kom die woorde maar swaar
Maar nou is die tyd en die plek, ek wag nie langer nie
Luister tog met jou hart, my lirieke is waar

Ek wil diep uit my binneste in eenvoud verklaar
Jy lê knus hier in my hart en jy bly altyd daar
Ek wil diep uit my hart uit in eenvoud kom sê
Dat ek jou regtig liefhet en jou altyd lief sal hê

In die eenvoud van liedjie wil ek my hart voor jou kom lê
Ek is regtig lief vir jou, sal jou altyd lief hê