Laat my nooit die grond verlaat nie
Laat my in U skadu bly
Gee dat elke aardse vreugde en vrees
Eintlik nietig word vir my

Elke afdraai paadjie ken ek
En elke keer het ek gedwaal
Elke keer het U my iewers kom haal
Maak dit Here die laaste maal

Elke dag is 'n gedagte
Elke kamer net gehuur
Elke aardse droom van rykdom en roem
Bloot net 'n skadu teen die muur

Want wat ek is, is net genade
Wat ek het, is net geleen
Eintlik smag ek na U waters van rus
Lei my Here, vanaand daarheen

Wat ek is, is net genade
Wat ek het, is net geleen
Eintlik smag ek na U waters van rus
Lei my Heer, vanaand daarheen
Lei my Heer, vanaand daarheen