Kind van die somer wat kan ek jou bied
'n Paar maanligdrome, 'n sprokie, 'n lied
Die wêreld as woning
Die veld as 'n bed
Want dit, dit is al wat ek het

Vra jy net vriendskap van een wat verstaan
Of droom jy van liefde wat nooit sal vergaan
Dan loop ons paaie hier uitmekaar
Want ek bly 'n droomswendelaar

Miskien sal jy nog eendag
Verstaan
Wie weet
Miskien

Die goue kastele geskep deur jou hand
Sal een-een verbrokkel, want kyk dis net sand
Elkeen verloor mos maar wat hy vergaar
Maar ek bly 'n droomswendelaar

Ek bly 'n droomswendelaar