Ek sien in my gedagtes
'n Land vol oesryp graan
Wat eendag skielik onverwags voor die sekel se lem gaan staan
En ritmies bring die sekel die oes in van die land
Die koring staan nou weerloos teen die krag in die Boer se hand

En besef jy
Besef jy
Hoe sekuur daardie sekel sny?
Gaan jy dalk kaal en verlate en koud en alleen in die land agterbly?

En ek sien hoe die wa die gerwe na die dorsvloer toe karwei
Want daar wag die werkers om die koring en die kaf te skei
En die ywerige hande sprei die oes uit op die vloer
Die koring lê nou weerloos voor die voete van die Boer

En besef jy
Besef jy
Daar's 'n skaal in die Here se hand
Sal Hy jou by die koring in die sakke wil hê of gaan jy dalk op die hooimied beland?
Sal Hy jou by die koring in die sakke wil hê of gaan jy dalk op die hooimied beland?

Ek sien die vreugde in die hemel, kan jy jou dit ook verbeel?
As die Hemelboer Sy koring in Sy meule maal tot meel
En ek glo die Heiland glimlag oor die ryp oes uit Sy land
Want die vrug op al Sy arbeid is nou vir ewig hier in Sy hand

En besef jy
Besef jy
Daar's 'n lewe na die aardse dood
As die meule in die hemel jou maal tot meel vir die Here se hemelbrood
As die meule in die hemel jou maal tot meel
Vir die Here se hemelbrood