Die motjie lê haar eier, uit die eier kom 'n larwe
Die larwe word 'n papie, uit die papie kom 'n mot
Hy ontmoet 'n ander mot waar die bloedrooi blomme bot
Ja, die mot onmoet 'n mot waar die bloedrooi blomme bot

Die motte vlieg en vlikker en die vriendskap word al dikker
En hul wikkel en hul skitter, die twee motte raak verlief
Ja, die motte raak verlief en hy vra haar asseblief
Ja, hy vra haar asseblief word my motte hartedief

Die wyfie mot sê ja jong aangesien jy my tog vra jong
Want my hart behoort aan jou, ja my hart behoort aan jou
En ek wil tog so graag tro, en dit sal ons nooit berou
Ja, haar hart behoort aan hom, hy's haar motte bruidegom

Die motte hou toe troue in 'n kakkie jas se moue
Hulle vind 'n gawe nessie in die holte van 'n blaar
Ja, hul word 'n motte paar, nou's die storie amper klaar
In die holte van 'n blaar is die storie amper klaar

Die wyfie lê haar eier, uit die eier kom 'n larwe
Die larwe word 'n papie, uit die papie kom 'n mot
En ontmoet 'n ander mot waar die bloedrooi blomme bot
Ja, die mot ontmoet 'n mot waar die bloedrooi blomme bot