Hier staan ek in Afrika son
Strooi my as hier as die dag sou kom
Onder ‘n Witgat boom
Of langs die rivier
Solank God net weet ek was hier

Hier staan ek op my pa se plaas
Die grond onder my voete
My kinders wat kan raas
Hyenas wat huil
‘n Olifant se voet
Solank God net weet vir my was dit goed

En as ek sing dan
Sing ek in my moedertaal
As ek oor die strande loop
Al loop ek sonder skoene met my voete kaal

Al is ek hier onder
In die suidste punt van Afrika
Solank God net weet en my eendag hier kom haal

Hier swem ek
In die oseaan
Tafelberg gedek
Reg onder die maan
Die walvisse sal roep
Die seemeeu sal verstaan
Dat ek met my kaalvoete
Op hierdie stukkie aarde staan

Hier staan ek in Afrika lug
Skrywers sal skryf
En digters sal dig
Die leeu sal brul
En die bok sal spring
Die son sal sak
En die sanger sal sing

Want as ek sing dan
Sing ek in my moedertaal
As ek oor die strande loop
Al loop ek sonder skoene met my voete kaal
Al is ek hier onder
In die suidste punt van Afrika
Solank God net weet en my eendag hier kom haal

Hier staan ek
Met my hart op my mou
Ek deel dit uit met liefde
Ek weet die tyd is nou
Stellenbosch se wyn land
Afrika se vuur
Solank God net weet ek was hier