Nabonye umunsi wandutiye iyindi,
Niho nabonye uwo nkunda koko,
Nabanje kwishima ntazi impamvu,
Ntazi ko turi bubonane,
Mbone araje yokabaho (2).
Namuramukije n’ubwuzu bwinshi,
Kubera urukumbuzi rwinshi,
Ndamwitegereza nshira agahinda,
Yicara hasi turaganira,
Nkumva twakwigumanira (2).
Inyikirizo: Ni umunsi w’amahirwe,
Ni umunsi w’ibyishimo,
Ni intango y’urukundo,
Umunsi utazibagirana.
Hashize umwanya utari mutoya,
Arahaguruka ansezeraho,
Namuherekeje mfite agahinda,
Nanirwa kumusezeraho,
Ndihangana nti: “Urabeho”(2).
Yashyitse hirya aho ntamureba,
Yicara hasi arababara,
Yahavuye ameze nk’umurwayi,
Ari ukubera umutarutwa,
Wamubujije kugoheka (2).
Koko urukundo ni igitangaza,
Rwazonze benshi muri iki gihe,
Ariko urwanjye n’uriya mwana,
Rugiye kuzantesha umutwe,
Amaherezo tuzibanira (2).

Inyikirizo: Ni umunsi
w’amahirwe,