Ukora byose ukabazwa byinshi,
Imirimo yawe irangira ryari?
Witwa umubyeyi wambikwe ikamba,
Utatse amasimbi ushimwa na bose Mama,
Iyo nkomeretse uba muganga,
Iyo ndembye umbera ambulance,
Ibyo kuvura wabyigiye hehe?
Iby’ubutabazi ni ryari wabyize mama?
Inyikirizo: Oh oh Mama, oh oh Mama,
Imirimo yawe irangira ryari?
Oh oh Mama, oh oh Mama,
Uri umubyeyi shimwa na bose.
Mva ku ishuri inzara ica ibintu,
Ugabura ibihiye uteka ibiryoshye,
Urasasa nkaryama nkarara aharyana,
Iby’amahoteri ubyigira hehe mama?
Imikoro yanjye ukaba maitresse,
Ibyo kwigisha ni ryari wabyize?
Guhaha urabizi uhaha udahenzwe,
Gucunga umutungo wabyigiye hehe mama?
Inyikirizo: Oh oh Mama, oh oh Mama,
Amakosa yanjye nyahakana yose,
Undeba mu maso umvumbura bwangu,
Iperereza ryawe ntawe uricika,
Iby’ubutabera ni ryari wabyize mama?
Uzinduka cyane uryama bitinze,
Uryama utaryamye urara iryo rondo,
Imirimo yawe irangira ryari?
Ubundi ibyo byose ni hehe wabyize mama?
Inyikirizo: Oh oh Mama, oh oh Mama,