Soloko intliziyo yam
Ibanjwe ezonweni
Soloko umphefumlo wam
Uhleli emnyameni

Kanti ke namhla, Nkosi yam
Usel'undisindisa
Kuhle ukhanyo phezu kwam
Lwase lundikhanyisa

Kwasekulahlekeni kwam
Ndaliva izwi Lakho
Kwafika abafuni bam
Baxel'ufefe Lwakho

Ndakholwa nguMkhululi wam
Oweza emhlabeni
Ukuz'ahlawul'ityala lam
Ndisinde ezonweni

Likhulu ithamsanqa lam
Endilizuza Kuwe
Kukhulu ukuvuya kwam
Endikuphiwa Nguwe

Namhla nje iminqweno yam
Ibheka ezulwini
Namhla nje umphefumlo wam
Usinga ebomini