Honger kinders 51’

Honger kinders
Skop
Stamp
Beur voort
Skree vir aandag met arms en bene
Wat roei
Wat verdrink
Tussen al die woorde
En pyn
En stiltes
En toe deure
En teruggehoue emosies
Wat bly hang
Soos ‘n dak oor die kop
Die donderwolk
Wat wag om te breek
Maar nie klaarkry nie

Kom bietjie hier
Dan hou ek jou vas
Kyk ek tel jou op my skoot
Pas jy hier in my arms
En druk jou
Gee jou soentjies
En vryf my hand deur jou hare
Is ons vreemdes vir mekaar
Maar ek is hier en ek is naby jou
En ek luister net vir jou
My honger kind
Want vandag sal ek jou mamma wees
En jy sal veilig voel

En soos ek jou toevou
Herken jy my miskien as Jesus
Voel ons nie alleen nie
Ek het jou nodig om lief te hê
En jy vir my
En ons vir Jesus
Stil Hy ons honger
saam