Speel speel verby nog ‘n skeel dromer's lied
Vergeet tog hoe krom die akkoord
Skryf nog ‘n versie vol winter's verdriet
Jou soeke en siel in elke woord

Stort nog ‘n traan op jou digter papier
Vir harte soos joune geknel
Wend nog ‘n poging aan vind 'n manier
Om my van jouself te vertel

Wolke wat ween bring die dans van die reën
Vir jou vir ‘n oomblik plesier
O diep rivier fluister wat word van Eugene?
Soek verder miskien weet die mier

Nou nou oplaas is daar trane vir jou
Verstrengel, verslaaf en alleen
Kettings vrees wat jou bind in ‘n kou
En donker wat vou om jou heen

Dans met jou suster die een wat verstaan
Ja dans op die maat van die reën
Vra nog ‘n keer waaroor alles dan gaan
Jou hongerhart weet nie waarheen

Wolke wat ween bring die dans van die reën
Vir jou vir ‘n oomblik plesier
O diep rivier fluister wat word van Eugene?
Soek verder miskien weet die mier

Hoe koud is die windjie by winternag vuur
Jou lewe lê bloot en die skop en spoeg luur
Hoe truerig die nuus op die Oosterwind maat
Geblus die vlam van die hart

Wolke wat ween bring die dans van die reën
Vir jou vir ‘n oomblik plesier
O diep rivier fluister wat word van Eugene? (Word van Eugene?)
Soek verder miskien weet die mier

Soek verder Eugene
Soek verder Eugene
Soek verder Eugene