Stap saam met my deur die Kaap
Skuins voor die son wil gaan slaap
Hoor net hoe fluister die Noord-weste wind
Ek sal nog reën bring my kind

Stap saam met my hand aan hand
Kaalvoet op Clifton se strand
Luister 'n liedjie op Groentemark plein
Van liefde, afskeid en pyn

Stap saam met my deur my stad
Droom in die tuine my skat
Ons korrel druiwe en kyk hoe 'n duif
Pronk op oom Sissel se kuif

Stap saam met my deur my stad
Kaapstad, 'n stad van my hart
Suid-Oos het jou gister goed skoon gewaai
Doer lê 'n skip in die baai

Stap saam deur strate van bo
Jy voel dit waar jy ook loop
Op Vla-berg klink ons twee glasies wyn
As die son in see verdwyn

Stad van die groot oseaan
Waar Tafelberg brandwag staan
Ver in jou oë ontdek ek my stad
Jy is die Kaap in my hart

Ver in jou oë ontdek ek my stad
Jy is die Kaap in my hart