My oë is 'n splinterruit wat bly weerkaats, al kyk ek uit
En ewebeelde dwaal verby, maar dra onwetend iets van my

Maar ek kan sing as ander vlug
Voor werwelwind en bliksemlig
Want deur die krake in die nag
Sien ek 'n helder, nuwe dag

Die oë is 'n splinterruit dus moet jy leer om skerp te kyk
Wie meen jy's blind doen onbewus dit wat presies wys wat hy is

Maar ek kan sien as sieners tas
Na iets wat is en altyd was
Want hoor die reën en wind praat saam
En in die kranse dreun 'n naam

My oë is 'n splinterrruit wat bly weerkaats, al kyk ek uit
En skewe beelde hink verby maar word onwetend deel van mym

Maar ek sal klim en hoër beur selfs doringtakke gryp en skeur
Want op die berg
Se ruwe rug
Is môre ver, maar reeds in sig

Maar op die berg se ruwe rug
Is môre ver, maar reeds in sig