As vrede my pad deur die wêreld verlig
As smarte my dreig te verniel
Dan antwoord ek vry, watter lot my ook tref
Dit is wel, dit is wel met my siel

Dit is wel (Dit is wel)
Met my siel (Met my siel)
Dit is wel, dit is wel met my siel

Voorheen het die sonde gedurig gekwel
En dikwels my vreugde verteer
Nou's alles vergeef en geheg aan Sy kruis
O my siel, loof die Heer, loof die Heer

Dit is wel (Dit is wel)
Met my siel (Met my siel)
Dit is wel, dit is wel met my siel

Voortaan is dit Christus, ja, Christus alleen
Selfs waar ek in droefheid moet kniel
Geen stryd is te swaar nie, in lewe en dood
Bly my Heiland die troos van my siel

Dit is wel (Dit is wel)
Met my siel (Met my siel)
Dit is wel, dit is wel met my siel
Dit is wel, dit is wel met my siel