Die Heiland is gebore in stille Betlehem
By blye engelsange voeg ek my hart en stem
So lief het God die wêreld gehad dat Hy Sy Seun
Sy enigste gegee het as middelaar en steun

Kom na die krip so nederig
Daar lê die Kindjie teer
Hy is die spruit van Dawid
Hy is ons liewe Heer

O hoor ons sing Heer Jesus
En neem ons loflied aan
Dis nêrens vir ons beter as om aan U sy te staan

Word U uit sondaarsliefde
‘n Kindjie swak en klein
O Jesus maak ons almal getrou aan U en rein

Wou U daaruit die Hemel op aarde by ons kom woon
Dan gee ons nou ons harte aan U o Heer as troon