Naby U kom daar vrede in my hart
Naby U is ek vry
Naby U kan die oorvloed in my blom
Want alles wat ek nodig het is in U hand en naby U te kry

Naby U is dit kalm in my gees
Naby U raak ek stil
Naby U klink die fluister van U stem
Sien ek die pad wat ek moet loop, hoor ek die leiding van U wil

Naby U sing my hart 'n lied van lof
Naby U kan ek bly staan
Naby U sal ek vir altyd wil bly kies
Om my oë op U te hou en altyd nader aan U te gaan

Want hoe heftiger die storm, hoe stywer hou U hand
Hoe listiger die vyand, hoe meer kies U my kant
Hoe groter ook my hartseer, hoe meer die hulp van bo
Hoe nader aan U hart, hoe duideliker die liefde in U oë

Naby U kniel ek nederig in gebed
Naby U stil in U Gees
Naby U spreek die lewe van U Woord
En sou ek net een keuse hê, sou ek altyd baie naby U wil wees

Naby U
Naby U
Naby U