Maria vir jou
Was die seer soveel dieper
Die rou in jou hart
Het vêr meer geëis, want so min van ons
Ken die pyn van 'n ma
Waar sy staan voor haar seun
Wreed vermink aan 'n kruis

Maria vir jou
Was die straf soveel groter
Toe jy opkyk in Sy oë
En jy sien hoe Hy ly, en jy staan verslae
Jy bid stil deur jou trane
Want eers baie lank daarna
Was Sy lyding verby

Maar Maria ook vir jou
Het die bloed uit Sy wonde
Genesing gebring
Al jou sonde betaal, want al was jy Sy ma
Was jy as mens ook verlore
Maar nou kan jy weet
Hy gaan jou ook kom haal

Ja, Maria vir jou
Wag daar ewige vreugde
Losgekoop uit jou smart
Deur die bloed van jou Seun en daar's 'n groot bruilofsmaal
In die hemel berei
Daar's jy en Jesus jou Here
Vir ewig weer een

Daar's 'n groot bruilofsmaal
In die hemel berei
Daar's jy by Jesus jou Here
En vir ewig weer vry