Die liefde laat ons dien
Net soos Jesus ons kom dien het
Hy het ons kom vra
Om net te doen wat ons gesien het

Die liefde bind 'n doek om
En begin dan voete was
Liefde gee van homself
En dra 'n ander een se las

Die liefde laat jou juig en getuig maar ook buig voor die goedheid van jou Vader
Dit gee jou eie oë die vermoë om die nood van ander te kan sien
Op Jesus kan jy bou en vertrou want Sy liefde trek jou altyd nader
Sy liefde is die bron van die moed en die krag waarmee jy ander dien
Sy liefde is die bron van die moed en die krag waarmee jy ander dien

Die liefde sal vergewe
Net soos Jesus ook vergeef het
Hy vra dat ons sal gee
En sal leef soos Hy geleef het

Die liefde sal kom troos
As daar mense is wat huil
Die liefde vra geen loon nie
En dit loop die ekstra myl

Liefde maak jou soos Hy, maak jou bly, maak jou vry en dit bring jou soveel seën
Sy liefde sal jou dring om te sing en te loof met blydskap in jou gees
Sy woord is die taal, die verhaal en die hart van die liefde alleen
Die liefde is die rede vir die vrede wat jou help om net soos Hy te wees

Die liefde laat jou juig en getuig maar ook buig voor die goedheid van jou Vader
Dit gee jou eie oë die vermoë om die nood van ander te kan sien
Op Jesus kan jy bou en vertrou want Sy liefde trek jou altyd nader
Sy liefde is die bron van die moed en die krag waarmee jy ander dien
Sy liefde is die bron van die moed en die krag waarmee jy ander dien
Sy liefde is die bron van die hart en die oë waarmee ons ander sien