संधीकालि या अशा धुंदल्या दिशा दिशा
संधीकालि या अशा धुंदल्या दिशा दिशा
चांद येइ अंबरी
चांदराति रम्य या संगती सखी प्रिया
चांदराति रम्य या संगती सखी प्रिया
प्रीत होइ बावरी
संधीकालि या अशा धुंदल्या दिशा दिशा

मुग्ध तू नि मुग्ध मी अबोल गोड संभ्रमी
अबोल गोड संभ्रमी
एकरूप संगमी
रातराणीच्यामुळे रातराणीच्यामुळे
श्वास धुंद परिमळे
फुलत प्रीतिची फुले
फुलत प्रीतिची फुले
प्रणयगीत हे असे कानि ऐकू येतसे
गीति शब्द ना जरी
संधीकालि या अशा धुंदल्या दिशा दिशा

सांजरंगि रंगुनी न कळताच दंगुनी
न कळताच दंगुनी
हृदयतार छेडुनी
युगुलगीत गाउनी युगुलगीत गाउनी
एकरूप होउनी
देऊ प्रीत दावुनी
देऊ प्रीत दावुनी
प्रणयचित्र हे दिसे रंगसंगती ठसे
कुंचला नसे जरी
संधीकालि या अशा धुंदल्या दिशा दिशा
धुंदल्या दिशा दिशा