Dingtanga p'lak A•sak Abrirangoni
Joka Chiring dare rong•te pattaloni
Gapa matburing, tangsekgil buring bolgrim
Dongtobea ang Atchiram song
Nitobea ang Aman A.song

Naan Angni Rasong
Naan Angni A•song
Dongkamchina nang gun Chasong
Anching Dena, Anching Su•na
Simsak niroke ripingkuna

Pringwal sengbahao ring•a do•o matrang
Ka•tong ka•sroka knatobea kurang
Balkarin bibal similchipa ang roram
Rotobea Oh ang dongram song
An•sengbea ang A•chik A•song.

Nokgipan dakjok gun gnangbee a•dokko
Songdong A•chaatjok unon A•chik jatko
Nisirakgipa manden bilgri gisikko
Gitel na•an a•rikatbo.

Hmmm... Hmmm...
Hmmm... Hmmm...

Naan Angni Rasong
Naan Angni A•song
Dongkamchina nang gun Chasong
Anching Dena, Anching Su•na
Simsak niroke ripingkuna

Ambin Atchun songko
Do•o Matni roramko
Chiring Chibisikko tangkame rakkibo
Rebagni Salrangna nang•ni dena su•na
A•songko Chigako mikkim gnang donkubo.