Om te kyk waar loop die spore wat in die voortyd uitgetrap is
Om te voel waar tyd se beelde met ouer bytels uitgekap is
Vir die warm God van vrede, in lank lank terug se vuur
Vir die stilte van die vlakte se stilste sterlig uur

Daarom neig my siel na gister
Na môre sonder angs
Daarom loop my swerwers voete
Rustig stofpad langs

Om te leer wat die verlede se wysheid my kan leer
Om te gee van eie waarde en van die liefde van my Heer
Vir die knus gevoel as vriende saggies aan jou hart kom vat
Vir die ou nag toe, ons se stories, van hierdie lang vergete pad

Daarom soek ek so in gister
'n Nuwe môre sonder angs
Daarom klop my perd se hoewe
Rustig stofpad langs

O ek ken my God se vrede
Waar die pad my ook al lei
Want die kompas van Sy liefde
Dui die rigting aan vir my

Daarom kwyn al my hartseer
Is my môre sonder angs
Want ek weet Hy loop hier langs my
Rustig stofpad langs
Ja ek weet Hy loop hier langs my
Veilig stofpad langs