By Betlehem in winterkou
Het herders rustig wag gehou
'n Engel swewe oor die veld
Die Heer se koms kom hy vermeld

Gebore as 'n kindjie teer
Kom Hy tot ons die Hemel Heer

Al juig en sing, die engelkoor
'n Lied van vrede laat hulle hoor
Die herders loof met hart en stem
Die Heilige Kind in Betlehem

Gebore as 'n kindjie teer
Kom Hy tot ons die Hemel Heer

Kom laat ons saam 'n loflied sing
Aan Hom die Heiland hulde bring
Hy daal van bo tot ons neer
En maak ons vry, Sy Naam, Sy eer

Gebore as 'n kindjie teer
Kom Hy tot ons die Hemel Heer
Gebore as 'n kindjie teer
Kom Hy tot ons die Hemel Heer