दिवस ओल्या पाकळ्यांचे जाणिवांना गंध ओले
हो दिवस ओल्या पाकळ्यांचे जाणिवांना गंध ओले
स्पंदने बेभान आणि हात हाती गुंफलेले
दिवस ओल्या पाकळ्यांचे जाणिवांना गंध ओले

दिवस वेडे स्वप्नपंखी रेशमाची झूल झाले
दिवस वेडे स्वप्नपंखी रेशमाची झूल झाले
ओंजळीने मागण्याआधीच सरले मेघ सारे
दिवस ओल्या पाकळ्यांचे जाणिवांना गंध ओले

दिवस थोडे स्पर्श वेडे दोन आतुरल्या जीवांचे
हो, दिवस थोडे स्पर्श वेडे दोन आतुरल्या जीवांचे
हरवलेले भान केवळ श्वास होते बोललेले
दिवस ओल्या पाकळ्यांचे जाणिवांना गंध ओले

दिवस मोहरल्या मनाचे
सुख नवे घेऊन आले
दिवस मोहरल्या मनाचे
सुख नवे घेऊन आले
चांद थोडा लाजला अन्
चांदणे टिपूर झाले
दिवस ओल्या पाकळ्यांचे जाणिवांना गंध ओले
हो, स्पंदने बेभान आणि हात हाती गुंफलेले
दिवस ओल्या पाकळ्यांचे
जाणिवांना गंध ओले