Sutt'u Cialu de Falerna

Lindu è partutu a' rasa rasa,
Lassannu Bice, Vicianzu, ‘na vita passata.
Ccu Peppina aru cantu, l'amure veru,
Versu Settimu, ‘na nova primavera.

'Ntro cialu cantanu Lindu e Peppina,
Mariu sona ccu Rusina e Mascina.
Giuliu, Tumasi e Miru vivanu,
'u vinu 'e Crimente, ca piacia a Saveru.

Mariu, 'u maestru, a Salvatorinu,
Cce mpara 'u rispettu, de parianti e vicini.
'U guarda, volessa manciare,
Si Mascina va a cucinare!

D'o cialu guardanu duve simu arrivati,
Pensanu e dicianu: "ccamu patutu!
Simu crisciuti de rispettu e patate,
Chissi volessanu tante paliate".

'Ntro cialu cantanu Lindu e Peppina,
Mariu sona ccu Rusina e Mascina.
Giuliu, Tumasi e Miru vivanu,
'u vinu 'e Crimente, ca piacia a Saveru.

Amure e rispettu un su de moda,
Simu scustumati ara casa e ara scola,
Compari e parianti mai rispettamu,
Tutti i juarni l'odiamu e ncrepamu.

'Ntro cialu cantanu Lindu e Peppina,
Mariu sona ccu Rusina e Mascina.
Giuliu, Tumasi e Miru vivanu,
'u vinu 'e Crimente, ca piacia a Saveru.