أشواقي حروف

يـــا غــنــاتي ما عَلينا من مٓـلام
نِـــحْتفــلْ بكْ او نصفِّق بالكفوف

لكْ مِشاعِرْنا .. لك تـــرد السَّــــلام
معْ سَحابِه تمطر أَشواقي حُروف

ويْـــهِـــك الْبــاسِم يعـيدْ الابْتسام
ومِــنْ يشوفِك يعْتبر عينِه تشوف

ومِنْ سِمَع كِلمه مِن أنــواع الكلام
يعتـــبِرها فــأل خــيرٍ بــه يلـــوف

الله الـــوهّاب أعــٰـطاك إحـــتــرام
لك مكـــانه عنْــدنا وانته معَروف

خَــذْت أخلاق الرجال اللي كِرام
وانته يـدِّك بالصِّخا كفِّه سفوف

من أغاني الوجدْ لك وجدي غرام
يا غـرام القلــب يا الود العطوف

أستلذ الشُّــوق من عيـنك سهام
ومِن رميته صار في حبِّك شغوف

انــت يا مـكــتــوم لفــوادي مَـــرام
مــن زمان الِود مــا غيــرك أشوف