اليوم يوم الطيب والعزة وتاريخ ووقار ..

للشامخة والوافية اللي اوقفت عون وسند

انقلت موزة ينولد في ليلي المظلم نهار ..

لي جفنها كل مشتكي من شي ما عمره رقد

خلتني مثل دبي أعشق في التحدي لنتصار ..
وأن الطموح يصير لكن بس من جد وجد

إذا وقفت أوقف شرف لعيون ناسي والديار ..
أما على الأول فقط وإلا فلا غيره عدد

ابوي مكتوم الفخر عمار يا الطاري عمار ..
وأنا مثل ما ظن بي قد الأمل قد الوعد

وان قيل روضة بنت مكتوم الكرم نفس المسار ..
كني ملكت الكون والدنيا وما قبل وبعد

علمت مهرة نهج ابوي اللي افرقت بين المهار ..

حتى بلطيفة صار في كل يوم مجدن ينولد

شوفوا بنات بلادنا صاراً سما صاراً شعار ..
لجل الوطن صاراً سند للرجل في هذي البلد