نحنا مشينا مشية الحرّابه
فهود ..لكن في ثياب ذيابه
تاريخنا .. للمجد فاتح بابه
محلاك يا لون الذهب وصلاوي
..
لون الذهب .. وصلاوي
عِزّ الطلب .. وصلاوي
طير اللّهب .. وصلاوي

الوصل أسم دبي لي يطرونه
و دبي دار الحيّ لي مصيونه
و السَبق رفّت رايته ميمونه
ميمون يا عزّ الطَلب .. وصلاوي
..
لون الذهب .. وصلاوي
عز الطَلَب .. وصلاوي
طير اللّهب .. وصلاوي

إذا نزلنا .. و الملاعب ساحة
يضيق صدر العالم المرتاحة
طير اللهب عزّم و مَدّ جناحه
الله يستر .. ما دريت اش ناوي !
..
لون الذهب .. وصلاوي
عز الطَلَب .. وصلاوي
طير اللّهب .. وصلاوي

تسلم يا بو راشد و يسلم راسك
المجد صفحة في طَرَف كراسك
و إحنا تبعنا .. عزمك و نبراسك
و أنت الذهب .. لنّ الذهب وصلاوي

و إذا دخل حمدان .. هَزّ الملعب
نجل الرقم واحد و رقمه لأصعب
اللي يحاول … يستفزه .. يتعب
العهد عنده .. يستفز .. الراوي

و أحمد إبن راشد مقامه غالي
لا تحسبون الوصل دونه سالي

الوصل يرفع رايته فالعالي
أحمد ذهب لنّ الذهب وصلاوي