يالذهب افخر اذا شالك ذهب
و الفخر سلطان شالك فوق فوق
هذا بوحمدان للهامه سحب و كل تكريم لجل مثله يلوق
من ابوه و من كرم زايد شرب و الله الى حط في مثله فروق
ان عطا يعطي ولا دور سبب
الكرم على كف سلطان مخلوق
ان وصفته كل اوصافه عجب
مستحيل الشعر يوفي له حقوق
وكل شاعر يوصفه مهما كتب
حار في وصفه و حارت به طروق
مدرسة زايد وبه طيب العرب
مرخص روحه ودمه بالعروق
لجل داره مايغض بالهدب
وشوف مركاض الهجن خلاه ذوق
نهر طيب و فعل للعليا يتوق
في التراث و في الرياضة و الادب
سهل دروب بعد ماهي تعوق
هذا بوحمدان في سهله صهب
نهر طيب و فعل للعليا يتوق