خايفين على بكرة بشكل عام عايشين حياة أبدية
فاهمين الزيف في المطلق فـبنتجاهل النسبية
يبان إن إحنا وهما نفس النوع في كذا ظروف
زي ما بان من كل الجمل معنى ناقص مش مقصود

كثير من القصائد في لقاء بضعة دراهم
تبدو بيعة رابحة لفاشل أو في حاجة لإحترامك
كبير على الجحيم مش كبير على العقاب
محتاجة وهم قد إيه علشان أبان سراب

أحيانًا اللي إختفى يكون أهم من اللي إنتشر
بتكلم بعض لغات الكون وأفضل لغة بشر
إنت جاهل بالروابط بالدوافع بالفروض
فالنتيجة إن إنت خايف والمفاجأة إني مرعوب

حقيقة كل حاجة في كل حاجة تكافئ فرص
الحيوان بيفيد ويستفيد بالفطرة والتجربة
يقول عليّ صدفة بس يوضح إيه الصدف
بييجي في الإشارة الخضراء كل مرة ويقف

عقلك مش متسع لي هجومك بيدافع لي
إشحن نفسك مني بس مش بـطاقة بتعمي
طول ما دي أغنية طول ما في حاجات نقصاك
إستمر في السقوط حتى لحظة الإصطدام

عقلك مش متسع لي هجومك بيدافع لي
إشحن نفسك مني بس مش بـطاقة بتعمي
طول ما دي أغنية طول ما في حاجات نقصاك
إستمر في السقوط حتى لحظة الإصطدام

مش شايل هم إن أنا هنام وهصحى إنت أنا
شايل هم إمتى هتبقى جاهز تقبلها وتقبلك
مرة إوعى نقطة تعجبك فـتغرك
مخلوق علشان تشكل فرق فالثبات بيضرك

موت تعيش وعيش تموت فجأة
كثير من الغباء إنك تعيش اللأ
مين اللي موضة مسخ أعور سوقنا سوداء عملة صعبة
إسأل نفسك ليه ما خلصتش بإختيار آدم بضاعتك؟

مُتخيله بيستعملني عكس ما بستعمله
إزاي هحل معادلة صح لو فعلا بهمله
فكر كثير في السهل وإشتغل كثير في الصعب
إنت والأيام بتتحركوا بسرعة بعض

شكل العلاقة بيننا عمره ما يجبرك تنافسني
مهم أنقذك طول ما مهم إنك تنقذني
عمرك ما هتبقى شخص في إيده العالم شله
اللي هتحتاج تعرف إنك كنت فينا هتسمع عنه

عقلك مش متسع لي هجومك بيدافع لي
إشحن نفسك مني بس مش بـطاقة بتعمي
طول ما دي أغنية طول ما في حاجات نقصاك
إستمر في السقوط حتى لحظة الإصطدام

عقلك مش متسع لي هجومك بيدافع لي
إشحن نفسك مني بس مش بـطاقة بتعمي
طول ما دي أغنية طول ما في حاجات نقصاك
إستمر في السقوط حتى لحظة الإصطدام

لو كنت مسكت فيكي كان زماننا زي ما إحنا
محتاج يفضل ناقصني على الأقل قطعة واحدة
دايما تخطفيني للحظة هادية وسط الزحمة
ما قولتش الوحيدة بس خطفتك أحلى

صبرني هامش التفكير على صمت التعبير
غلطت في التقدير فـتعاقبت بالتأخير
رسامينك يا كذا وصلتني للأسف رسوماتهم
عارفهم فـعارف شكلك إنت باستثنائهم

أول ما عرفت نفسي قلت واخذ مية قيراط
بدأت فوق الصفر لكن عكس التيارات
الندوب دي تعلمك إمتى بكل رضا تضحي
الجرح كان عميق لما اللي إنجرح كان سطحي

مش هييجي من المدينة خير مجاش من الضواحي
كنت هلاقي علاج لمرضك بس القرد مكانش صاحي
خليك إتفرج يمكن تفهم حاجة في مرة
ولا تفسدها ولا تفسدك ولا زي كل ضئيل تتمرد

عقلك مش متسع لي هجومك بيدافع لي
إشحن نفسك مني بس مش بـطاقة بتعمي
طول ما دي أغنية طول ما في حاجات نقصاك
إستمر في السقوط حتى لحظة الإصطدام

عقلك مش متسع لي هجومك بيدافع لي
إشحن نفسك مني بس مش بـطاقة بتعمي
طول ما دي أغنية طول ما في حاجات نقصاك
إستمر في السقوط حتى لحظة الإصطدام

استمري في الإيمان طول ما لسه ما فهمتيش
إقهري شيطان الشك باللي بالفعل عرفتيه
موضوعنا هياخذ وقت هياخذ وقت طويل
هنزل قبري مبتسم للعالم اللي نفسك فيه

بتعبر عن الزيف بزيف الواقع فـبتلمسهم
إعتمادي على فطرتهم وإعتمادك ع اللي ناقصهم
بتطلع ع اللي يفيدني إنت فاضي الوقت هاممني
سطورك بالنسبة لي طفل بيخبط ويجري

بدأ لامع وبينطفي بدأت مطفي بلمع
بعتقدني لما بكتب بنتقدني لما بسمع
قرون من الإهمال وإنت بالتدريج بتضيعي
ميراثنا من السطور الدائمة أقل من الطبيعي

ما نسحبش بإنتقاد أنا أقوى مدمن إعتراف
حقائقي ما تجاهلتش أي طرف من الأطراف
مفسر قبل كاتب عارف كل عيوب تفسيرك
بكتشف الجوهر مش بخترعه بخترع له صيغة

عقلك مش متسع لي هجومك بيدافع لي
إشحن نفسك مني بس مش بـطاقة بتعمي
طول ما دي أغنية طول ما في حاجات نقصاك
إستمر في السقوط حتى لحظة الإصطدام
عقلك مش متسع لي هجومك بيدافع لي
إشحن نفسك مني بس مش بـطاقة بتعمي
طول ما دي أغنية طول ما في حاجات نقصاك
إستمر في السقوط حتى لحظة الإصطدام