مفهوم لو سال لعابك خصوصا واحنا في غابة
الناس فكرانا دوسنا زرار بقينا نضاف غلابة
فاكرينه فيلم بطله طلع من القاع وعاش في خط
فاكرين الضلمة رحلة الناس بتروحها صد رد

بتمرجح بيني وبيني بندول
تايه في راسي بتخبط على طول
كلمت نفسي تنادي لي المسؤول
قالت لي مشغول

في كلاب في راسي قعدت سنين بطفح فيها
بس هي ليه ماسكتتش أما فهمت الحقيقة؟
نفسي أوقف الزمن دقيقة
لكن ماتسيأش الفهم كل ده وأنا في نعمة مش في ضيقة
لكن خلاص معادش جنب الصح نجمة
كل حاجة بتبقى أصعب أما بنكبر
كل حاجة بتبقى أرخص أما بتكثر
بنعوزها وأما تحضر
نعيد تفكير هو إحنا بنكسب ولا بنخسر
تبدأ تفكر هل فعلا في شئ مهم
مستني حد يقول فركش تطلع حياتك أصلا فيلم
أو تجربة من أجل العلم أو حتى تطلع حلم
لا حلم إيه ده إنت في كابوس مستني حد يقول لك بم

فوق كتافك هم يومك كله غم
زي ما تكون الدنيا واخذة منك جنب
تصحى تشوف هتشيل ولا تشيل الذنب
سباق وآخره عضمة ليه إنت كلب
ومحدش هيشيل عنك شيل إنت
عالم محاكاه مفيش أشخاص في إنت
مبقاش سؤال بقيت تتنفس ليه إنت (ليه إنت) ولإمتى

عجيبة تقلبات وجهات نظر الواحد مننا
بفتكر أنا المراهق أقول أكيد في الواد ده إن
كإننا إتشقلبنا مش إتغيرنا سنة، سنة
نمنا عيال صحينا كبرنا
نجري الدنيا تجري أسرع
الناس مكان في مصنع
طريقنا مهلك مطلع في مطلع
مش بعرف أمنع نفسي إني أطمع
هاتوا اليقين وأنا آجي عند الشك وأقطع
كوني عارف إن العيشة لحظة وقافش فيها مؤلم
أنا ليه مش عارف أسيب مع إني حاسس نفسي مؤمن
لسه عايز أملك الدنيا وده شيء مقلق
بس بقى لبيتي مش عشاني هل ده خير ممكن

في العشرينات تحيا الصحاب العيلة قدمت
ع الثلاثينات راحوا الصحاب والعيلة فضلت
سنين راحت مش راجعة وللزمن ديون وكثرت
والعيشة من أصعب لأصعب، لأصعب بجملة
وأدينا في الدنيا بنقضي ليلتين
بدأنا نفهمها في آخر ساعتين
يادوبك نسدد الدين
(السكة مش سهلة وقصدي الإثنين (مش سهلة
بس احنا على ميعادنا
بنحاول نبقى أحسن من ذاتنا
عمر لوم غيرنا ما فادنا
بنحاول مانتوهش في العتمة