بصي من ورا الستارة ع الناس اللي ماشية تحت
بيسجدوا لأصنام شبعوا فيها نحت
تعالي أعلمك إزاي أنا بنحت عمري ما أركع
أي حاجة حلوة في عينك أكرهيها فورا
ها مش حاسة بتحسن عن من لحظة

ع الأقل مفيش جزيرة هتعوميلها أصلاً؟
طيب اثبتي على كده انت مكانك هنا
مش هنعمل أي حاجة بلاش نعملهم على نفسنا
ما تطفيش النور عن مين هنداري اللي بنعمله
مش هنبقى في المستنقع ونجيب عطر نستنشقه
بصي لمنظرنا هربانين من ضلمة لضلمة
إنت وأنا عارفين إن جهنم في إنتظارنا

ما بحطش إكليل فوق مساكن ميتين
يوم حسابنا مش هتداري هتستخبوا يا كذابين
مريض بأحدث مرض نفسي هيكتشفوه على الكوكب
مش هتلاقي أحسن مني ولا هتلاقي أسوء

مستني إننا نقرب رغم كنا بنبعد أوي
مستني تقاطع ثاني لخط مايل مع مستوي
أقصر طريق ما بيننا أقصر جزء فيه ملتوي
أقوى شيء ربط ما بيننا كان في حياتنا شيء ثانوي

إبعد عنها شوية ما تمسكش فيها بضفرك
اللي انت بتتنفسه ده ثاني أوكسيد كاربونها
بطل تدقق فيها وانت صاحي وقت نومها
مش هتحس إنك سهرت حارس غطاها الليلة بطولها
هي عارفة إنك مريض هي حابة إنك مريض

هي فاهمة مهما النظرة بس كارهة إنك صريح
قذف إنت وهي لحد وصولها بالسلامة
وإمشي من حياتها لكن سيب لها إنقاض كلامك
تعالى أعلمك إزاي أنا بجري عمري ما أنهج
شايفة أبعد نجمة أقرب حد مني أبعد

وبزيد البعد تزيد القوة يضيق النفس أحس بذعر
يطول نفسي ومهما جعت أزيح عن طرقي كل طعم
إرمي فوق العرش التاج غيري برضو مش ملاك
أنا مرض بقول أنا مرض هو مرض هيقول أنا علاج
بحطم الأصنام اللي إنت عايشة بتعبديهم
عشان تتوبي مش تعملي واحد وتسجدي له

مستني إننا نقرب رغم كنا بنبعد أوي
مستني تقاطع ثاني لخط مايل مع مستوي
أقصر طريق ما بيننا أقصر جزء فيه ملتوي
أقوى شيء ربط ما بيننا كان في حياتنا شيء ثانوي