عاجل حالة من الجنون أيها المواطنون
جنايني من أصول مصرية قال في تل أبيب شالوم
هل القبة الحديد حديد؟، هل القبة الحديد هتدوم؟
سؤال في نفس كل صهيوني عنده تروما من الخرطوم
وفي لقاء مع الجنود على الحدود نفوا الحدود
من النهر للنهر وسريعا تدخل رجل مسؤول
(وقال يا ولاد (يا ولاد) بلاش نلقح على مصر بالذات (بلاش
ده السادات رجع بابا وعمو ببجامات
بس لينا ضهر gap أما عن الدين حصل
صرح مسؤول أمريكي ما بين الخيرين حساب قه قه
أما عن الشأن الداخلي فيه آراء إننا في أزمة
ونتنياهو قال وشرف أبوهم مالهومش إلا الجزمة
(أما عن الشأن الخارجي فإحنا الديموقراطية (طبعا
في شرق أوسط وحش (وحش) تسوده استبدادية
طبعا دي الصورة اللي بنصدرها لكل الدول الغربية
علشان نحظى منهم بمساندة غير مشروطة ولا نهائية

إحنا ضحايا وده بإيدينا نفوذ إنت جدك حرق جدي
إدينا فلوس وإنت مغمض ادعم إسرائيل كل لما تعوز
ولا نقول للعالم إنك نازي وسمعتك تبوظ
إحنا ضحايا وده بإيدينا نفوذ إنت جدك حرق جدي
إدينا فلوس وإنت مغمض ادعم إسرائيل كل لما تعوز
ولا نقول للعالم إنك نازي وسمعتك تبوظ

تؤكد الداخلية والخارجية على مدى أهمية
(إعطاء المتظاهرين الداعمين كل الحرية (كل الحرية
وقمع أعداء السامية وتدين المعترفين بأي دولة فلسطينية
وننكر الوحشية سلاحنا دقيق تسعين في المية
بيقتل من تسعين لمية ومش بطريقة عشوائية
أصل دول يا دروع بشرية يا من حماس الإرهابية
يا إما ناس كده معدية لكن من أصول عربية
وده جيد العربي الحلو العربي الميت
أي بشري عبد في ديننا لليهودي السيد
دي عقيدة ما بنعلنهاش إلا بتصرف
علشان البشر كفرة جهلة يفتكروها تطرف

شعب الله المختار يا عم
وإنتم جميعا ولا من نفس الطينة ولا من نفس الدم
بنقول حروب حرية مش حروب دينية علشان الزن
وعلشان مش كله يبقى علينا إحنا أفضل بس البشر كم

إحنا ضحايا وده بإيدينا نفوذ إنت جدك حرق جدي
إدينا فلوس وإنت مغمض ادعم إسرائيل كل لما تعوز
ولا نقول للعالم إنك نازي وسمعتك تبوظ
إحنا ضحايا وده بإيدينا نفوذ إنت جدك حرق جدي
إدينا فلوس وإنت مغمض ادعم إسرائيل كل لما تعوز
ولا نقول للعالم إنك نازي وسمعتك تبوظ

ومعنا اتصال من القاهرة ألو
كم سنة وكم مليار علشان تتحكم في الأخبار
لحد ما بقى فيه جيل غربي جديد مسمم الأفكار
وهوب فجأة الوهم انهار إيه مبرر حجم الدمار
وإزاي هتعيش دور الضحية وإنت بتقتل الأطفال
وده بيطرح تساؤل حكومة أمريكا أو غيرها
قادرة تفضل ماددة إيدها لإمتى لبلد بقت سمعتها
بتدين اللي يساعدها وساختكم كل الناس شافتها
قريبا الحكومات الجاية هترميكم من مركب حملتها
(وساعتها مين هيلوم عليّ لو الغضب عماني (عماني
إنساني يا ابن عمي لا أحمل ليك شعور إنساني
في قلبي أضعاف اللي كان في أكتوبر فلما تجي لي ثاني
هخليك تقسم بالله إن أرحم خلق الله الألماني

يبدو أن التكلم انقطع مع القاهرة