Mamma, haju una fudda
Ri pisci rintra ‘a tiesta
‘A luna s’astutò
Mamma m’addumi tu?

A ghiriminni haj’ statu
Sempri ‘u cchiù vinciusu
Sugnu accussì ma ‘sta cunnanna ‘a sai
‘A sai ru’ voti

Quann’eri nica e
Ghiucavi a fare ‘a mamma
N’aspittavi rui, quattru o tri
Ri masculiddi?

Quannu ‘a matina è acqua
Prima ca mi sveglio
Sentu una manu in capu all’occhi
Mamma, cu pò essere?

‘U tiempu si squagghia

E tornu a natari,
Un pisci rintr’a to panza
Ju e tu, tutta una cosa
Ci pienzi, mamma?

Quann’eri nica e
Ghiucavi a fare a mamma
Ju nun ci criu ca ‘un l’addisiasti mai
Una fimminiedda

Quannu ‘a matina è acqua
E ancora nun mi sveglio
Sientu ‘a carizza ri ‘dda figghia ca
‘Un t’ha nasciutu mai

‘Na frieve m’annagghia e mi squagghia

Natamu a miliuna, ‘na fudda ‘i pisci rintr’a’ to panza
Di poi s’adduma ‘na luna

Ormai nuotu sulu, ‘sta luna s’agghiuttìu sulu a mia
M’attigghia anticchia ‘a pinzata
Ri ‘un aviri a nasciri mai
Ri ‘un aviri a soffriri mai
Ri ‘un aviri a fariti soffriri mai
Ri ‘un aviri a moriri mai