Quannu si sbacanta ‘u cori
E m’a firu a moriri
E mi scordu tutt’i nomi
Canta araciu araciu e strincimi ‘i pusi, strincim’i pusi
Iu nun addumannu nienti
E sugnu luntanu ormai
Ma, chi sacciu, si mi sienti,
Comu ai vecchi tiempi, fai un cafè puru pi mia
Quannu ‘u cuori si sbacanta
Racci una liggiuta au funnu
Pi sapiri runni vaju
Pi capiri runni sugnu

Vivimi

Innimina inniminagghia
Sugnu sulu ‘i moriri
‘A me anima ca squagghia
Canta araciu araciu er a mumenti nun si siente cchiù, a mumenti nun si siente…
Quannu ‘u cuori si svalanca
Talia buonu rintra ‘u funnu
Pi sapiri ‘unni appartegnu
Pi capiri picchì sugnu ccà

Vivimi

Innimina inniminagghia
Sugnu sulu runnegghiè
L’acqua ‘i purpu r’a me arma
Vugghi araciu araciu
‘Sta cunnanna a mia nun m’abbannuna mai
Iu nun dugnu mai nienti pi nienti
Sugnu fattu r’accussì
Ma ogni tantu in mienzu a genti
Iu mi lassu viviri
Dimmi a virità, tutta a virità, sulu a virità,
Certi voti in menzu a scuru
‘Un ti impiccicassi au muru puru tu?