Rintra all’occhi tua c’è un ciumi
Chi curri e nun s’asciuca mai
Viennu tutti ccà pi biviri
E a unu a unu viu scinniri:

Un Gattu, un Succitieddu e un Cani
U viri u Coccodrillu e i Giurani?
Un Acidduzzu vola vola supra a nasca tua
Nun la finisci i fari zizizi

A forza i chianciri
Sali una fataciumi
Ru funnu ri stu ciumi
E tu spirisci e un c’è cchiù niente

E dunn’è l’amuri miu runn’è, l’amuri miu runn’è?

Rintra l’occhi tua c’è un ciumi
C’un liettu ca ‘un finisci mai
Ci vieni puru l’elefante a stinnicchiarisi
E a unu a unu viu cariri:

Ciccio u Liuni ch’i so figghi
Cu l’occhi russi ri sbadigli
Addini, ‘Addi e Pappaaddi
S’ammoddanu supra i to spaddi

U Lupu è ‘u primu allupìarisi
Ma c’è unu ca nun vuoli dormiri…
…è u Scimiuni rintra a panza
Chi danza, chi danza

Non si pò chianciri
Ca tiesta china i strummuli
E in piettu capitummuli
Spirisci e ‘un c’è cchiù niente

Ma dunn’è l’amuri miu runn’è, l’amuri miu runn’è?