‘A cosa ca mi piaci ri mienu ra me vita è muoriri
Pi chistu vogghiu muoriri sulu una vota sula
Sugnu patruni ri fari cchiù nienti
M’appriecu a tutti cosi però
Chiamate un’ambulanza, chiamate a polizia
Ca ccà c’è un fuodde in mienzu a fudda c’abbannìa

A morte spacca a ligna tuttu u jornu, tuttu u jornu rintra a tiesta mia
A morte spacca a ligna tuttu u jornu, tuttu u jornu rintra a tiesta mia
E ghiuoca a sparari tira
S’alliena a sbagliari mira
E mentri sugnu in vita
Finu all’ura stabilita
Iu mi sientu ca nun pozzu pierdiri

‘A cosa ca mi piaci cchiossai ra me vita è curriri
Pi chistu vogghiu curriri tutta una vota sula
Sugnu patruni i spaccarimi i rienti
E allinialli supra i pavimienti
Chiamate un’ambulanza, chiamate a polizia
Ca ccà c’è un fuodde chinu i sangu c’abbannìa

A morte scaccania tutta a notti, tutta a notti in facciu a facci mia
A morte scaccania tutta a notti, tutta a notti in facciu a facci mia
E ghiouca a ‘ttuppari cannili
Senza tagghiaricci i fili
E mentri sugnu aggritta
Nfinu all’ura ra sconfitta
Iu mi sientu ca nun pozzu pierdiri

A morte m’assicuta tutta a notti, tutta a notti rintra i ‘nsuonni mia
A morte m’assicuta tutta a notti, tutta a notti rintra i ‘nsuonni mia
E mi fa satari a fila
Mi vieni a trova ogni sira
E mentri sugnu scrittu
Nu so fogghiu malirittu
Iu mi sientu ca mi pozzu pierdiri
Ca ‘un mi pozzu pierdiri
Ca mi pozzu pierdiri