M’assicuti e ‘un m’assicuti cchiù
Stai facennu tutti cosi tu
In menz’a via mi fermu un attimu
E chianciu ‘u mare ma ‘sti lacrimi ‘i cu su’?

M’assicuti, m’assicutate in due
A tia ti viu; l’avutru, chi sugnu ju?
In menz’a via m’ammucciu un attimu
E chianciu ‘u mare
Ma ‘sti lacrimi ‘un s’asciucanu mai

E m’insonnu di vulari
In menzu ai stiddi
I stiddi russi in funn’o mare
E m’insonnu di natari
‘Un fussi bellu
Rispirari in funn’o mare?

M’assicuti e ju assicutu a tia
N’o disertu r’a me’ lagnusìa
S’allaga ‘a via e t’allaghi puru tu
Ma ‘u chianciu ju ‘stu mare
‘Sti lacrimi su’ i mia
E chianciu p’anniari
Ca ‘sti lacrimi ‘un asciucanu mai
Annìu e m’addurmisciu ju
Scinnu a funnu
Scinnu a chiummu in funn’o mare
E cu’ l’occhi vuoti, chini ‘i sale
Viu ‘u cielu
Mi pare un mare in cap’o mare

Annìu e ‘un mi svegliare mai
Si mi curcu
A panz’all’aria in funn’o mare
E tutti l’armi fannu un carnevale
E mi invitanu a cantare

Vogghiu mo riri accussì…