हा माझा मार्ग एकला
शिणलो तरिही चालणे मला
हा माझा मार्ग एकला
दिसले सुख तो लपले फिरुनी
उरले नशिबी झुरणे दुरुनी झुरणे दुरुनी
बघता बघता खेळ संपला
हा माझा मार्ग एकला

सरले रडणे उरले हसणे
भवती रचितो भलती व्यसने भलती व्यसने
विझवू बघतो जाळ आतला
हा माझा मार्ग एकला

जगतो अजुनी जगणे म्हणूनी
जपतो जखमा हृदयी हसूनी हृदयी हसूनी
छळते अजुनी
छळते अजुनी स्वप्न ते मला
हा माझा मार्ग एकला
हा माझा मार्ग एकला